কলা শিক্ষাৰ অধীনত Clay modelling সম্পৰ্কে প্ৰশিক্ষণৰত অৱস্থাত প্ৰশিক্ষাৰ্থী সকল..

জিলা শিক্ষা আৰু প্ৰশিক্ষণ প্ৰতিষ্ঠানৰ জিলা সমল গোটৰ উদ্যোগত স্থাপন হোৱা প্ৰাপ্তবয়স্ক শিক্ষা কেন্দ্ৰত দেওবাৰৰ পৰা পাঠদান আৰম্ভ হৈছে| দেওবাৰে অনুষ্ঠিত প্ৰথম পাঠদানত ৩০ জন শিক্ষাৰ্থীয়ে অংশগ্ৰহণ কৰে| উল্লেখযোগ্য যে প্ৰতিষ্ঠানটোৰ জিলা সমল গোটৰ (DRU) উদ্যোগত বিগত বৰ্ষৰ ডিচেম্বৰ মাহত খাৰজান চাহ বাগিছাৰ অন্তৰ্গত পাটোৱাৰী লাইনত এক শৈক্ষিক সমীক্ষা সম্পাদন কৰা হৈছিল| উক্ত সমীক্ষাৰ ফলাফল অনুসৰি প্ৰাপ্তবয়স্ক শিক্ষা লাভৰ বাবে আগ্ৰহীসকলক সামৰি কাঞ্জিখোৱা বাগিছা প্ৰাথমিক বিদ্যালয়ত এক প্ৰাপ্তবয়স্ক শিক্ষা কেন্দ্ৰ স্থাপন কৰা হয়| দেওবাৰে অনুষ্ঠিত পাঠদানত জিলা সমল গোটৰ প্ৰবক্তা ভূপেন কুমাৰ দাস, স্বৰাজ ফুকন আৰু ৰঞ্জন বৰাই পাঠদান আগবঢ়াই| কেন্দ্ৰটোত সৰ্ব্বোচ্চ অষ্টম শ্ৰেণীলৈকে অধ্যয়নৰত কিশোৰ-কিশোৰী সকলকো পাঠদানৰ ব্যবস্থা কৰা হৈছে| প্ৰথম দিনাৰ পাঠদানত কিশোৰ-কিশোৰী সকলক সাধুকথাৰ মাধ্যমেৰে স্বচ্ছতাৰ প্ৰয়োজনীয়তা সম্পৰ্কে অৱগত কৰে প্ৰতিষ্ঠানৰ প্ৰশিক্ষাৰ্থী দিলীপ গগৈ আৰু ৰঞ্জিত ঠাকুৰে|

ডি.এল.এড তৃতীয় ষান্মাসিকৰ কলা শিক্ষা পাঠ্যক্ৰমৰ অন্তৰ্গত ক্ষেত্ৰ অধ্যয়নৰ সৈতে সংগতি ৰাখি পৰিৱেশ ৰক্ষাৰ উপযোগিতা/অনুৰোধ সম্বলিত বেনাৰ দিহিং-পাটকাই ৰাষ্ট্ৰীয় উদ্যানত সংযোজিত কৰা হয় |
দিনাংকঃ ২২.০১.২০২১

ডি.এল.এড তৃতীয় ষান্মাসিকৰ (২০১৯-২১) কলা শিক্ষা পাঠ্যক্ৰমৰ অন্তৰ্গত প্ৰকৃতি পৰ্যৱেক্ষণ অধ্যায়ৰ বাস্তৱ অভিজ্ঞতা লাভ কৰিবৰ বাবে প্ৰশিক্ষাৰ্থী সকলক দিহিং পাটকাই ৰাষ্ট্ৰীয় উদ্যান পৰিদৰ্শন কৰোৱা হয় | উক্ত পৰিদৰ্শনত আমাক পথপ্রদর্শক হিচাপে সহযোগ কৰে প্ৰকৃতিপ্ৰেমী অনুষ্ঠান নেচাৰ্ছ বেকনে| এই আপাহতে মুখ্য পথপ্রদর্শক শ্ৰীজয়ন্ত ভূঁঞাকে ধৰি অন্য তিনিজন সদস্যক আমি ধন্যবাদ জ্ঞাপন কৰিছো |
দিনাংকঃ ২২.০১.২০২১

প্ৰকৃতি প্ৰেমৰ নিৰলস কামৰ মাজেদি অনেকজনৰ দৃষ্টি কাঢ়িবলৈ সক্ষম হোৱা প্ৰকৃতিৰ প্ৰেমিক, ধৰিত্ৰীৰ প্ৰেমিক তথা দেৱাল লিখনৰ অবিৰত যাত্ৰী কিৰণ গগৈৰ চিন্তা আৰু কামৰ পৰিচয় দাঙি ধৰাৰ এক বিনম্ৰ প্ৰয়াসেৰে নিৰ্মাণ কৰা তথ্যচিত্ৰ "প্ৰাচীৰৰ কণ্ঠ- The calligraphy murals: A tribute to nature’ সম্প্ৰচাৰ হৈছে অসমৰ জনপ্ৰিয় ৱেব পৰ্টেল D Newsত | উল্লেখযোগ্য যে জিলা শিক্ষা আৰু প্ৰশিক্ষণ প্ৰতিষ্ঠান, ডিব্ৰুগড়ৰ সৈতে তেওঁৰ আছে বহুদিনীয়া সম্বন্ধ| তেওঁ জড়িত হৈ আছে প্ৰতিষ্ঠানৰ ইক’ ক্লাবৰ অধীনৰ অনানুষ্ঠানিক শিক্ষা দানৰ কাৰ্যসূচীত|

Terracotta furnishing process D.El.Ed 3rd Semester (2019-2021)

On the occasion of National Education Day, the students and the faculty members of DIET had a discussion on the relevance of Early Childhood Education. Prasun, from Avaniti Education and Training Foundation was present to facilitate the forum. The discussion was around the topics of relevance of education, the political and sociological aspects of education and their relevance in Early Childhood Education. The participants came up with various queries and responses and the discussion was fruitful and constructive.

প্ৰশিক্ষাৰ্থী সকলৰ শৈক্ষিক বাতাবৰণ অব্যাহত ৰখাৰ বিনম্ৰ প্ৰয়াসেৰে ‘জানো আহা’ নামৰ এক হোৱাটছআপ গ্ৰুপ সৃজন কৰা হৈছিল| আমি কিছু বিশেষ বিশেষ বিষয় সম্পৰ্কে আলোকপাত কৰিবলৈ গ্ৰুপৰ মাধ্যমেদি আহ্বান জনাইছিলো | উক্ত আহ্বানৰ প্ৰতি সঁহাৰি জনাই প্ৰশিক্ষাৰ্থীসকলে ভিন ভিন বিষয়ত নিজা দৃষ্টিভংগী প্ৰকাশ ঘটাবলৈ সক্ষম হয়| সংগ্ৰহ হোৱা বিষয়খিনি সামৰি পিডিএফ আৰু ফ্লিপবুক আকাৰে প্ৰকাশৰ ব্যৱস্থা কৰা হৈছে|

জিলা শিক্ষা আৰু প্ৰশিক্ষণ প্ৰতিষ্ঠান, ডিব্ৰুগড়ৰ উদ্যোগত ১৮ জানুৱাৰী- ২১ জানুৱাৰী লৈকে চাৰিদিনীয়া কাৰ্যসূচীৰে 'e-Content development' সম্পৰ্কে অনলাইন মাধ্যমেৰে এক প্ৰশিক্ষণ কাৰ্যসূচী ৰূপায়ণ কৰা হয়| জিলাখনৰ ছটা শৈক্ষিক খণ্ডৰ পৰা নিৰ্বাচিত ৩০ জন শিক্ষক প্ৰশিক্ষাৰ্থীয়ে অংশগ্ৰহণ কৰা প্ৰশিক্ষণ কাৰ্যসূচীত সমল ব্যক্তি হিচাপে প্ৰবক্তা ক্ৰমে ভূপেন কুমাৰ দাস, দীপামণি ফুকন, ৰঞ্জন বৰা, স্বৰাজ ফুকন, নিপজ্যোতি পাটিৰি আৰু মৃদুস্মিতা ফুকনে প্ৰশিক্ষণ আগবঢ়ায়|

জিলা সমল গোটৰ (District Resource Unit) উদ্যোগত তথা বি.এড আৰু ডি.এল.এড তৃতীয় ষান্মাসিকৰ প্ৰশিক্ষাৰ্থীসকলৰ সহযোগত ৯ ডিচেম্বৰ, ২০২০ তাৰিখে খাৰজান চাহ বাগিছা অঞ্চলত প্ৰাপ্তবয়স্ক সাক্ষৰতা সন্দৰ্ভত এক জৰীপ কাৰ্যসূচী সমাপন কৰা হয়|

Workshop on Basics of Photography Resource Person- Tarkik Dutta
"We are making photographs to understand what our lives mean to us!"

Date- 06.01.2021

এই মাহৰ অতিথি
২৭ নৱেম্বৰ, ২০২০ তাৰিখ শুক্ৰবাৰে জিলা শিক্ষা আৰু প্ৰশিক্ষণ প্ৰতিষ্ঠান, ডিব্ৰুগড়ত ‘এই মাহৰ অতিথি’ শীৰ্ষক অনুষ্ঠানটি অনুষ্ঠিত হয়। উক্ত অনুষ্ঠানত অতিথি হিচাপে উপস্থিত থাকে যুৱ চিত্ৰশিল্পী অভিজিৎ শইকীয়া। উল্লেখযোগ্য যে ডিব্ৰুগড় জিলাৰ চাবুৱা নগৰৰ নিবাসী শিল্পীগৰাকীয়ে ইতিমধ্যেই নিজ শিল্প কৰ্মৰ যোগেদি দেশ দৰবাৰত মৰ্যাদা লাভ কৰিবলৈ সক্ষম হৈছে।

দৃষ্টিভংগীঃ অসম আদিত্য (০৭.০৯.২০২০)
অধ্যক্ষা ৰুণু গগৈ সোণোৱাল